Ekspertët në Mbretërinë e Bashkuar janë shprehur se tani një formë e re e koronavirusit, që disa e quajnë “Delta Plus”, mund të përhapet më lehtë se sa mutacioni Delta i zakonshëm.
Sipas BBC, Agjencia e Sigurisë Shëndetësore në Mbretërinë e Bashkuar (UKHSA) e ka zhvendosur atë në kategorinë si “variant nën hetim”, për të pasqyruar këtë rrezik të mundshëm.
Nuk ka ende asnjë provë që varianti mund të shkaktojë sëmundje më të rëndë.
Kështu që shkencëtarët janë të bindur se vaksinat ekzistues funksionojnë ende mirë për të mbrojtur njerëzit.
Edhe pse Delta e rregullt ende përbën shumicën e infeksioneve me COVID-19 në Mbretërinë e Bashkuar, rastet e “Delta Plus” ose AY.4.2 rastet si duket janë duke u rritur.
AY.4.2 është një nga 45 nën-variantet e virusit Delta të regjistruar në të gjithë botën të identifikuar nga shkencëtarët në korrik dhe ka dy mutacione karakteristike, Y145H dhe A222V, në proteinën me të cilën virusi infekton qelizat njerëzore, dhe deri më tani nuk ka asnjë indikacion se këto ndryshime dukshëm e rrisin bartjen e infeksionit, por kjo është duke u studiuar nga ekspertët.
Të dhënat e fundit zyrtare sugjerojnë se 6 për qind e rasteve me Covid janë të këtij varianti.
Varianti Delta përhapet më lehtë sesa variantet e tjera të virusit korona edhe ndër personat e vaksinuar kundër Covid-19. Prandaj ekspertët rekomandojë edhe më tej mbajtjen e maskave dhe respektimin e distancës fizike.
