Mesa duket Greqia nuk ka hequr dorë nga zgjerimi i ujërave territorialë dhe për më tepër është duke bërë deklarata relativisht të forta që nuk janë duke prekur vetëm Shqipërinë por edhe Italinë.
Ditën e sotme Ministri i Jashtëm grek, George Katrougalos ka thënë se Greqia beson se është e patjetërsueshme e drejta e këtij shteti për të zgjeruar ujërat territoriale në detin Jon me Shqipërinë dhe Italinë.
“Ne kemi vendosur të zgjerojmë ujërat tona territoriale në Detin Jon, si pjesë e përkufizimit të Zonës Ekonomike Ekskluzive me Italinë dhe Shqipërinë dhe në rajonet e tjera. Ne besojmë se është e patjetërsueshme e drejta jonë sovrane për të zgjeruar ujërat tona territoriale”, është shprehur Ministri i Jashtëm George Katrougalos.
Këto deklarata kanë ardhur vetëm një ditë para takimit me homologun turk Mevlut Tsavousoglou dhe nuk dihet se çfarë qëllimi kanë, megjithatë mesa duket marrëveshja mes Shqipërisë dhe Greqisë vazhdon të mbetet.
