Autoritetet e Policisë së Durrësit vijojnë punën e tyre për parandalimin dhe kapjen e personave që kryejnë vepra penale të ndryshme. Falë kontrolleve të kryera në bashkëpunim me Seksionin për Hetimin e Narkotikëve, është bërë i mundur finalizimi i operacionit të koduar “Rebeli”, ku u arrestua në flagrancë 30-vjeçari me iniciale E.M, banues në lagjen nr.13 Durrës.
30-vjeçari është arrestuar nga Policia e Durrësit, pasi lëvizte me armë, dhe pas kontrollit i është gjetur një sasi kanabisi, dhe fara të dyshuara narkotike. Sipas informacioneve të marra mësohet se i riu ka pasur precedentë të mëparshëm në fushën e lëndëve narkotike.
Gjatë kontrollit fizik dhe më pas në banesë, shërbimet e Policisë gjetën dhe sekuestruan në cilësinë e provës materiale: një armë zjarri tip pistoletë, 1.2 kilogramë lëndë narkotike e dyshuar cannabis sativa, një pjesë e së cilës ishte e ndarë në doza gati për shitje, një sasi farash si ato të cannabis sativa, një peshore elektronike dhe dy aparate celularë.
Njoftimi i policisë:
Durrës/Vijojnë goditet e njëpasnjëshmendaj veprimtarisë kriminale në fushën e narkotikëve dhe armëmbajtjes pa leje. Finalizohet operacioni i koduar “Rebeli”. Operacioni i zhvilluar nga Komisariati i Policisë Durrës, në bashkëpunim me Seksionin për Hetimin e Narkotikëve.
Sekuestrohen 1 armë zjarri tip pistoletë, lëndë narkotike e dyshuar cannabis sativa, fara canabisi dhe një peshore elektronike që shërbente për ndarjen e lëndës narkotike në doza. Arrestohet në flagrancë një 30-vjeçar, poseduesi i armës së zjarrit, i lëndës dhe farave narkotike. 30-vjeçari, me precedent të mëparshëm penal në fushën e narkotikëve.
Shërbimet e Komisariatit të Policisë Durrës, në bashkëpunim me Seksionin për Hetimin e Narkotikëve në DVP Durrës, pas një informacioni të marrë në rrugë operative se 1 shtetas me pseudonimin “Rebeli” lëvizte me armë në zonën e lagjes nr. 13, Durrës dhe shpërndante lëndë narkotike në doza, menjëherë kanë organizuar dhe kanë finalizuar operacionin policor të koduar “Rebeli”.
Në kuadër të operacionit u bë kapja dhe arrestimi në flagrancë i shtetasit E. M., 30 vjeç, banues në lagjen nr. 13 Durrës, i dënuar më parë për prodhim dhe shitje të narkotikëve.
Gjatë kontrollit fizik dhe më pas në banesë, shërbimet e Policisë gjetën dhe sekuestruan në cilësinë e provës materiale:
-një armë zjarri tip pistoletë, 1.2 kilogramë lëndë narkotike e dyshuar cannabis sativa, një pjesë e së cilës ishte e ndarë në doza gati për shitje, një sasi farash si ato të cannabis sativa, një peshore elektronike dhe dy aparate celularë.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale “Prodhimi dhe mbajtja pa leje e armëve luftarake dhe e municionit” dhe “Prodhimi dhe shitja e narkotikëve”.
