Një ngjarje e rëndë tronditi pak kohë më parë Fierin ku 31-vjeçari Elton Metaj qëlloi me armë zjarri ish-bashkëshorten e tij 23-vjeçare Sabrina Bengaj.
Kujtojmë që 23-vjeçarja që mbeti e vrarë kishte qenë e divorcuar para disa muajsh nga ish-bashkëshorti Elton Metaj, por një fakt i tillë duket që nuk është pranuar nga 31-vjeçari, që vetëm në korrik ishte liruar nga burgu pasi ishte arrestuar sërish për problemet me ish-bashkëshorten. Ai tashmë është arrestuar nga autoritetet e policisë dhe ndodhet në burg ku po kryen dënimin e marrë.
Por në lidhje me këtë ngjarje ka reaguar për herë të parë vetë Elton Metaj. Në një lidhje telefonike me emisionin “Shqipëria Live”, ai ka folur nga ambientet e burgut ku dha versionin e tij të vrasjes. Eltoni ka tronditur me deklaratat e tij, duke thënë se ish-vjehrri i ka kërkuar atij që t’i dërgonte foto nudo të tij dhe të Sabrinës, si dhe duke kryer marrëdhënie.
“Babai i Sabrinës më kërkonte foto të mia dhe të vajzës së tij nudo, duke kryer marrëdhënie. Ja kam dërguar, janë në messenger. I thosha ça po thua, ti je jashtëtokësor”, shprehet Metaj.
Ky i fundit shprehet se babai i Sabrinës e ka kërcënuar herë pas here me jetë.
“Dola nga burgu, bëra burg për këtë grua. U ndava 3 mujorin e fundit. I bëri presion babai, i çonte plumbin, ose e vdekur ose e ndarë nga unë. Kam komunikuar me Sabrinën, me vjehrrën dhe vjehrrin kur isha në burg. Asaj i thosha se e dua. Ajo thoshte fjalë të pista. Nga presioni i tyre. Më tha e shikojmë kur të dalësh nga burgu. Më 26 korrik dola nga burgu. Nuk e kam kërcënuar kurrë Sabrinën. Nuk kam ushtruar dhunë ndaj saj. Jam takuar me familjen e saj kur dola nga burgu. Ndërsa kur isha në burg kam folur ditë për ditë me të gjithë, me Sabrinën me ish-vjehrrin”, tha ai.
Kujtojmë se kjo ngjarje e rëndë ka sjellë reagimin e shumë qytetarëve ku kanë dalë duke protestuar për të kërkuar drejtësi për Sabrina Bengaj e cila mbeti e vrarë në mënyrë tragjke nga ish-bashkëshorti i saj.
