Autoritetet e Policisë së Tiranës vijojnë punën e tyre për kapjen dhe procedimin e persdonave që kryejnë vepra penale të ndryshme. Falë kontrolleve të kryera është bërë i mundur arrestimi i katër personave. Mes të arrestuarve është edhe një 30-vjeçar, ku në rrugën “Ibrahim Basha“, në fshatin Bushqesh, pas një konflikti për motive të dobëta, i ka thyer xhamat e lokalit si dhe i ka dëmtuar mjetin shtetasit G. D.
Gjithashtu është prangosur edhe një 20-vjeçar, pasi gjatë kontrollit fizik të ushtruar iu gjet dhe iu sekuestrua një sasi me lëndë të dyshuar kanabis dhe një dorezë metalike.
Njoftimi i policisë:
Vihen në pranga 4 shtetas, për vepra të ndryshme penale.
Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasit I. D, 30 vjeç, pasi në rrugën “Ibrahim Basha“, në fashtin Bushqesh, pasi pas një konflikti për motive të dobëta, i ka thyer xhamat e lokalit si dhe i ka dëmtuar mjetin shtetasit G. D.
Nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i shtetasit A. P, 20 vjeç, pasi gjatë kontrollit fizik të ushtruar iu gjet dhe iu sekuestrua një sasi me lëndë të dyshuar kanabis dhe një dorezë metalike.
Specialistët për Hetimin e Krimit në Komisariatin e Policisë Vorë bënë arrestimin në flagrancë të shtetasit Sh. E, 28 vjeç, pasi në fshatin Breg, Vorë, për motive të dobëta ka goditur me sende të forta shtetasin B.R.
Nga specialistët e Qarkullimit Rrugor u bë arrestimi në flagrancë i shtetasit M. Ç, 28 vjeç, pasi u kap duke drejtuar mjetin në gjendje të dehur.
Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.
