Gjykata e Apelit Tiranë ka dhënë dënimin për Markel Bushin, i cili akuzohet për vrasjen në Laç të dy kushërinjëve Erion Jushi 36-vjeç dhe Kevin Jushi 30 vjeç, duke e dënuar kështu me burgim të përjetshëm. Kujtojmë që ngjarja e rëndë ndodhi në prill të vitit 2019. Avokati dhe familjarët e të pandehurit pretenduan se vrasja e dy kushërinjve Erion dhe Kelvin Jushi ishte realizuar nga Markel Bushi, pasi ky i fundit ishte mbrojtur nga kërcënimi i tyre për ta vrarë. Për ngjarjen e vitit 2019, vetë i akuzuari ka pranuar autorësinë e krimit, duke u shprehur i penduar, teksa ka deklaruar se kishte qëlluar në kushtet e vetëmbrojtjes, por pretendimet e tij nuk u morën në konsideratë nga togat e zeza.
Lajmi është bëri i ditur nga News 24, ku bëhet me dije se Gjykata e Apelit në Tiranë ka pranuar pretencën e prokurorisë e cila ka kërkuar burgim të përjetshëm për 27-vjeçarin.
Si ndodhi ngjarja
Krimi i rëndë ka ndodhur më 28 prill 2019, në Lagjen numër 1 të qytetit të Laçit dhe shumë pranë Komisariatit.
Dy kushërinjtë, Erion dhe Kelvin Jushi, u ekzekutuan me breshëri plumbash dhe gjithçka ndodhi pasi vëllai i Markelit, Manueli, është konfliktuar verbalisht me dy kushërinjtë Jushi në një lokal në qendër të Laçit. Pas debatit, në ndihmë të tij shkuan Vincesk dhe Markel Bushi, ku gjatë hetimeve është provuar se personi që ka qëlluar mbi dy kushërinjtë ka qenë pikërisht Markel Bushi.
Ndërsa dy bashkëpunëtorët e tij në këtë krim, Manuel Bushi dhe Vincesk Bushi, janë hetuar dhe gjykuar veçmas, duke u dënuar për akuzën e “Moskallëzimit të krimit” dhe “Përkrahje e autorit të krimit”. Personat e përfshirë në këtë krim të dyfishtë u vunë në pranga nga Policia disa ditë pas ngjarjes, ndërsa Markel Bushi, i cili është vënën në akuzë si autor i vrasjes së dyfishtë, rezulton të jetë person me precedent të mëparshëm penal.
