Të gjitha barrierat për të regjistruar vaksinën ruse Sputnik V COVID-19 në Organizatën Botërore të Shëndetit janë hequr dhe vetëm disa dokumente kanë mbetur për t’u përfunduar, tha të shtunën më dy tetor ministri rus i Shëndetësisë Mikhail Murashko.
Vaksina Sputnik V, e përdorur gjerësisht në Rusi dhe e miratuar për përdorim në mbi 70 vende, po kalon një rishikim nga OBSH dhe Agjencia Evropiane e Barnave (EMA). Miratimi i tyre mund të hapë tregje të reja, veçanërisht në Evropë.
Murashko është takuar me drejtorin e përgjithshëm të OBSH-së Tedros Adhanom Ghebreyesus në Gjenevë.
“Pozicioni i Rusisë për promovimin dhe regjistrimin e vaksinës Sputnik V u dëgjua, ne i kemi mbyllur të gjitha pyetjet për sot”, u citua Murashko të thoshte nga agjencia e lajmeve Interfax.
Ai tha se kompania e cila po merret me regjistrimin e vaksinës Sputnik V në OBSH vetëm duhet të nënshkruajë disa dokumente dhe të dorëzojë disa letra shtesë. OBSH nuk mund të kontaktohej menjëherë për koment, raporton Reuters.
OBSH tha në korrik rishikimi i saj se si Rusia prodhon vaksinën Sputnik V kishte gjetur disa probleme me mbushjen e shishkave në një fabrikë. Prodhuesi tha se që atëherë kishte adresuar të gjitha shqetësimet OBSH -së.
