Kanë nisur homazhet në “Pallatin e Kongreseve”, për nënkomisarin Saimir Hoxha i cili nderroi jetë në krye të detyrës. Mësohet se të pranishëm në homazhe janë familjarët, kolegët, të afërmit dhe zyrtarë të lartë të Policisë së Shtetit për t’i dhënë lamtumirën e fundit nënkomisarit.
Kujtojmë se gjatë një aksioni të zhvilluar ditën e djeshme në Ishull Lezhë, teksa ka qenë me disa kolegë të tjerë për të asgjësuar një parcelë me kanabis në këtë zonë. Në kthim ata kanë parë një automjet të dyshimt të cilin e ndaluan për kontroll, ka qenë nënkomisari Saimir Hoxha ai i cili i ka kërkuar të riut Aldi Rama dokumentet e identifikimit, por ky i fundit e refuzoi duke nxjerrë armën dhe më pas e ka qëlluar dy herë në zemër, Hoxha ndërroi jetë rrugës për në spital. Ndërsa Aldi Rama arriti të arratisej për momentin duke u fshehur në një zonë të pyllëzuar. FNSH dhe forcat RENEA kanë rrethuar zonën dhe pas 5 orësh rezistencë ai qëlloi veten dhe më pas ndërroi jetë ditën e sotme tek Trauma.
Kujtojmë se ministri i Brendshëm, Bledi Çuçi ka paralajmëruar se nënkomisari Saimir Hoxha do të shpallet “Dëshmor i Atdheut” dhe do të varroset në varrezat e dëshmorëve të kombit.
