Mbrëmjen e sotme raportohet se një zjarr masiv ka marrë në afërsi të fshatit Prongji në Gjirokastër.
Duket se flakët po i favorizon edhe era e fortë dhe po përhapen me shpejtësi në drejtim të një fshati tjetër Kolonjë. Mësohet se në vendngjarje kanë shkuar Forcat zjarrfikëse të Gjirokastrës dhe forcat e Drejtorisë së Pyjores. Raportohet se terreni është i vështirë dhe lejohet vetëm ndërhyrja me pompa shpine dhe mjete të tjera dore. Zjarri përbën rrezik për zonat e banuara.
Kujtojmë se disa ditë më parë në Seman të Fierit, një sipërfaqe e madhe toke është përfshirë nga flakët. Duke u favorizuar nga era zjarri ka përparuar me shpejtësi dhe për pasojë një shtëpi është përfshirë nga flakët. Nuk dihet në qoftë se shtëpia ishte e banuar apo jo, por si shihet nga pamjet e siguruara nga Gazeta Reforma flakët kanë përfshirë çatinë e banesës.
Një tjetër zjarr ka rënë edhe në Topojë të Fierit, ku vatrat e zjarrit kanë nisur në fushë dhe po përparojnë në drejtim të zonave të banuara.
Po ashtu deputeti i Partisë Demokratike, Luan Baçi ka publikuar në rrjetet sociale pamje nga një vatër zjarri në Vajkan të Fierit, ku një sipërfaqe e konsiderueshme toke është përfshirë nga flakët.
