Një tragjedi e tmerrshme ka ndodhur në pjesët e Zimbabve Lindore për shkak të Idai-së tropikale të ciklonit, të cilat kanë sulmuar edhe Mozambikun fqinj.
Raportimet tregojnë për një bilanc të tmerrshëm të humbjes së jetëve dhe të të zhdukurve, ku sipas autoriteteve vendase deri tani 24 persona janë gjetur të vdekur dhe dhjetëra të tjerë janë të zhdukur.
Ka qenë Ministria e Informacionit e Zimbabve që përmes një njoftimi në rrjetin social, Twitter ka bërë të ditur numrin e të vdekurve ku mes tyre kanë qenë edhe dy studentë, ndërsa deri tani 40 persona janë gjetur të plagosur.
Një grup njerëzish janë larguar nga shtëpitë e tyre duke shkuar në majë të një mali duke pritur që të shpëtonin, por erërat e forta kanë penguar helikopterët që ishin nisur për t’I shpëtuar.
Autoritet njoftojnë se mijëra njerëz janë prekur, energjia është prerë dhe ura të mëdha janë përmbytur.
“Informacioni që kemi deri më tani është se mbi 100 vetë janë të humbur dhe disa prej tyre” mund të kenë vdekur, tha Joshua Sacco, një anëtar i parlamentit në rrethin Chimanimani për AFP.
