Autoritetet e Policisë së Lezhës vahzdojnë punën e tyre për kapjen dhe procedimin e personave që janë të shpallur në kërkim ndërkombëtar. Falë kontrolleve të kryera është bërë i mundur arrestimi 48-vjeçarit Edmond Sufja, banues në Lezhë.
Ky shtetas ishte shpallur në kërkim ndërkombëtar pasi Gjykata e Milanos/Itali e ka dënuar me 18 vite burg për veprën penale “Organizatë kriminale, me qëllim trafikimin e lëndëve narkotike”, parashikuar nga Kodi Penal Italian.
Arrestimi i tij provizor u bë i mundur falë bashkëpunimit me Fast Albania dhe Interpol Albania me qëllim ekstradimin drejt Italisë.
Interpol Tirana, në bashkëpunim me Interpol Roma, vijon procedurat për ekstradimin e këtij shtetasi drejt Italisë.
Njoftimi i plotë i Policisë:
Lezhë
Vijojnë operacionet nga Policia e Lezhës, për kapjen e personave të shpallur në kërkim ndërkombëtar.
Vihet në pranga një shtetas shqiptar i shpallur në kërkim ndërkombëtar, i dënuar nga autoritetet italiane me 18 vite burgim, për vepren penale “Organizate kriminale, me qëllim trafikimin e lëndëve narkotike”.
Arrestimi provizor i tij u bë në bashkëpunim me Fast Albania dhe Interpol Tirana, me qëllim ekstradimi drejt Italisë.
Strukturat e Drejtorisë Vendore të Policisë Lezhë, në bashkëpunim me Fast Albania dhe me Interpol Tirana, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasit: Edmond Sufja, 48 vjeç, banues në Lezhë.
Ky shtetas ishte shpallur ne kërkim ndërkombëtar, pasi Gjykata e Milanos/ Itali e ka dënuar me 18 vite burg për veprën penale “Organizatë kriminale, më qëllim trafikimin e lëndëve narkotike” parashikuar nga Kodi Penal italian.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
