Autoritetet e Policisë së Tiranës vijojnë punën e tyre në lidhje me parandalimin dhe procedimin e personave që kryejnë vepra të ndryshme penale.
Falë kontrolleve të kryera është bërë i mundur arrestimi i 10 personave, të akuzuar për vepra të ndryshme penale.
Ndër të arrestuarit janë, 31-vjeçari E. K., të cilit gjatë kontrolleve i janë gjetur një sasi kokaine.
Po ashtu, është bërë i mundur dhe vendosja në pranga të 33-vjeçarit, A. B., pasi u kap duke lëvizur me heroinë.
Sakaq, është arrestuar dhe 34-vjeçari, D. Gj., i cili ditën e djeshme ka aksidentuar këmbësoren S. P., 57 vjeçe, ku si pasojë e plagëve të marra ka ndërruar jetë në spital.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Njoftimi i Policisë:
Tiranë
Vihen në pranga 10 shtetas, për vepra të ndryshme penale.
Forca e Posaçme “Shqiponjat” në bashkëpunim me Seksionin për Hetimin e Narkotikëve bënë arrestimin në flagrancë E. K., 31 vjeç, pasi gjatë kontrollit iu gjet dhe iu sekuestrua një sasi me lëndë narkotike kokainë.
Nga specialistët për Hetimin e Krimit në Komisariatin e Policisë Nr.6 në bashkëpunim me Seksionin për Hetimin e Narkotikëve u bë arrestimi në flagrancë i shtetasit A. B., 33 vjeç, pasi gjatë kontrollit fizik iu gjet dhe iu sekuestrua një sasi me lëndë narkotike heroinë.
Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasve të mitur me iniciale A. V., 17 vjeç dhe K. H., 17 vjeç, dhe bënë shpalljen në kërkim të shtetasit A. Th., 16 vjeç, pasi me datë 21.09.2021, në bashkëpunim me njëri-tjetrin, kanë goditur me sende të forta dhe i kanë marrë më dhunë varsen e floririt shtetasit R. P., 19 vjeç.
Po nga specialistët për Hetimin e Krimit në Komisariatin e Policisë Nr.5 u bë arrestimi në flagrancë S. U., 34 vjeç, pasi në rrugën “Donald Tramp”, tek lavazhi i tij, ka kundërshtuar dhe goditur për shkak të detyrës punonjësin e Ujësjellës Kanalizimes të Bashkisë Kamzë.
Specialistët e Qarkullimit Rrugor bënë arrestimin në flagrancë të shtetasve:
- Ç., 58 vjeç, A. Xh., 42 vjeç dhe H. M., 68 vjeç, pasi u kapën duke drejtuar mjetet përkatëse në gjendje të dehur;
Xh. Xh., 23 vjeç, pasi u kap duke drejtuar mjetin pa lejen përkatëse;
- Gj., 34 vjeç, pasi ditën e djeshme ka aksidentuar këmbësoren S. P., 57 vjeç, e cila si pasojë e plagëve të marra ka humbur jetën në spital.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
