Ministrja e Shëndetësisë, Ogerta Manastirliu ka reaguar ditën e sotme me një postim në rrjetin e saj social facebook ku thotë se tashmë në çdo universitet të Shqipërisë ka nisur vaksinimi anticovid për studentë e pedagogë.
Në prag të nisjes së universitetit, Manastirliu thotë se ky proces po bëhet për të patur një garanci më shumë për vitin e ri akademik.
Kryeministri Rama pak javë më parë e bëri të qartë se studentët duhet të vaksinohen në rast se duan të hyjnë në auditorë, ose në rast të kundërt duhet të ndjekin mësim online.
Postimi i plotë nga ministrja e shëndetësisë Ogerta Manastirliu
👩🏻🎓 👨🎓 👩🏫 Dyert e universiteteve janë hapur më herët, për të vaksinuar pedagogë e studentë, si një garanci më shumë, për një ecuri sa më të mirë të vitit të ri akademik që është në prag.
🧪 👩🏻⚕️ 👨⚕️ Me programin tonë të vaksinimit në komunitet, kemi nisur vaksinimin anticovid me ekipet tona mjekësore në çdo universitet të vendit.
#VaksinatVeprojnë #MbroJetën #ShqipëriaBuzëqesh🌼
E këtu kujtojmë po ashtu se protestat dhe personat që janë kundër këtij vendimi kanë nisur dhe janë ende në vazhdim. Çdo të shtunë qytetarët bëhen bashke dhe mblidhen në Sheshin Nënë Tereza ku shprehin qëndrimin e tyre lidhur me këtë çështje ku thonë se askush nuk mund t’I detyrojë të bëjnë vaksinënë pasi sipas tyre është një zgjedhje personale e çdo kujt.
