Një ngjarje e rëndë është regjistruar ditën e sotme në Tiranë. Shtetasi 39-vjeçar me inicialet R.Ç, është gjetur i pajetë ditën e sotme në vendin e quajtur “Kodrat e Selitës”.
Sipas informacioneve të marra mësohet se 39-vjeçari ishte larguar nga banesa e tij rreth 2 ditë më parë dhe askush nuk kishte dëgjuar gjë për të deri në momentin kur ai u gjend i pa jetë.
Gjatë ekspertimit të bërë nga ana e Forcave të Policisë u vu re se 39-vjeçari nuk kishte pasur shenja dhune në trupin e tij. Mendohet se personi mund të ketë humbur jetën në menyrë natyrore ose ngaqë vuante nga ndonjë problem shëndetësor.
Ndërkohë policia e cila ka shkuar në vendin e ngjarjes dhe është duke punuar për sqarimin e plotë të rrethanave të ngjarjes.
Njoftimi i Plotë i Policisë Tiranë:
“Në vendin e quajtur “Kodrat e Selitës” është gjetur pa shenja jete dhe pa shenja dhunë shtetasi R. Ç., 39 vjeç, i larguar nga banesa me datë 14.09.2021”, njofton policia.
Ndërkohë policia e cila ka shkuar në vendin e ngjarjes dhe është duke punuar për sqarimin e plotë të rrethanave të ngjarjes.
Kujtojmë këtu që raste të tilla nuk kanë qenë aspak të rralla në vendin tonë ku shpesh herë janë gjetur trupa të pajetë në vende të ndryshme pasi janë konstatuar si të humbur nga familjarët e tyre.
