Një ngjarje e rëndë është regjistruar në Kosovë ku një tjetër infermiere 31-vjeçare ka humbur jetën si pasojë e infektimit nga COVID-19.
31-vjeçarja nuk ka mundur të fitojë ‘luftën’ me koronavirusin pasi gjëndja e saj shëndetësore është rënduar çdo ditë edhe më tepër.
Lajmin e ndarjes së parakohshme nga jeta të Doruntina Thaçi-Morina nga Drenasi e ka publikuar ‘Oda e Infermierëve të Kosovës’ përmes një telegrami ngushëllimi.
Njoftimi i plotë i Odës së Infermierëve:
Telegram ngushëllimi
Oda e Infermierëve, Mamive dhe Profesionistëve tjerë Shëndetësorë shpreh ngushëllime të sinqerta familjes dhe kolegëve të infermieres Doruntina Thaqi-Morina, nga Drenasi e cila vdiq në moshën 31 vjeçare.
Vdekja e parakohshme e Doruntina Thaqi – Morina ka prekur gjithë komunitetin, familjen dhe miqtë, andaj ajo do të kujtohet si një person me vyrtyte të larta njerëzore.
Në emër të Odës së Infermierëve të Kosovës, familjes së të ndjerës dhe gjithë kolegëve, iu shprehi ngushëllimet më të thella.
Kujtojmë se ky është i disati rast ku infermierët humbin jetën për shkak se janë infektuar me Covid-19. Rritja e rasteve të reja në shtetin e Kosvës ka sjellë shumë shqetësime dhe panik pasi edhe pse masat kufizuese janë shtuar përsëri nuk është vënë re një ulje e rasteve të infektuara me koronavirus.
