Autoritetetet e Policisë së Fierit falë kontrolleve të kryera kanë bërë të mundur arrestimin e dy personave dhe kanë shpallur në kërkim një tjetër me akuzën e pengmarrjes.
Lidhur me këtë ngjarje policia ka ndaluar ndaluar shtetasit Erjon Agalliu dhe Arben Bleta të cilët dyshohet se kanë ushtruar dhunë dhe kanë marrë peng një 25-vjeçar. Sipas informacioneve të marra mësohet se shkak i kësaj ngjarjeje të ndodhur është bërë rregullimi i një lavatriçeje ku pas debateve personat në fjalë kanë marrë peng më pas 25 vjeçarin ku e kanë dhunuar fizikisht për rreth dy orë.
Njoftimi i policisë:
I hoqën për dy orë padrejtësisht lirinë për motive të dobëta 25- vjeçarit, kapen dhe vihen në pranga dy prej autorëve, shpallet në kërkim autori i tretë.
Specialistët për Hetimin e Krimeve në Komisariatin e Policisë Fier bënë ndalimin e shtetasve E. A., 42 vjeç dhe A. B., 54 vjeç dhe shpallën në kërkim shtetasin B. A., 40 vjeç, banues në Fier.
Këta shtetas, në bashkëpunim me njëri tjetrin, për motive të dobëta, kanë dhunuar fizikisht dhe i kanë hequr lirinë në mënyrë të paligjshme për rreth dy orë shtetasit A. R., 25 vjeç, banues në Fier.
Me marrjen e njoftimit, shërbimet e Komisariatit të Policisë Fier kanë bërë të mundur identifikimin, lokalizimin, kapjen dhe ndalimin e dy autorëve dhe po punojnë për kapjen e autorit të tretë.
Materialet i kaluan Prokurorisë pranë Gjykatës së Shkallës së Parë Fier për veprat penale “Heqja e paligjshme e lirisë” e kryer në bashkëpunim.
