Presidenti i vendit, Ilir Meta me anë të një postimi në rrjetet sociale ka reaguar për ndarjen nga jet atë humoristit shkodran Paulin Preka. Presidenti ka theksuar se ndarja nga jeta e PAULIN Prekës ka lënë një boshllëk të pazëvendësueshëm në artin shqiptar.
“Shkodra humbi një personalitet, që simbolizonte humorin e saj brilant dhe shpotitës, ndërsa teatri dhe kinematografia një aktor me dimensione të mëdha, që me karakteret dhe rolet e dashura që luajti, i dha rreze gëzimi një populli të izoluar në errësirë për dekada” ka shkruar Meta.
Presidenti i ka shprehur ngushëllimet e tij familjes dhe komunitetit të artistëve.
Postimi i plotë i Presidentit, Ilir Meta
Ndarja nga jeta e Mjeshtrit të Madh, Paulin Preka lë pas një boshllëk të madh dhe të pazëvendësueshëm në artin shqiptar.
Shkodra humbi një personalitet, që simbolizonte humorin e saj brilant dhe shpotitës, ndërsa teatri dhe kinematografia një aktor me dimensione të mëdha, që me karakteret dhe rolet e dashura që luajti, i dha rreze gëzimi një populli të izoluar në errësirë për dekada.
I skalitur në memorien e publikut shqiptar, kujtimi i tij do të mbetet i paharruar dhe gjithmonë i respektuar!
Ngushëllime familjes dhe komunitetit të artistëve!
Të prehet në paqen e merituar!
