Një shpërthim me tritol ka ndodhur mëngjesin e sotëm në lagjen 17 të qytetit të Durrësit, ku si objektiv ka qenë makina e një punonjësi të policisë.
Për ngjarjen ka disa persona të shoqëruar, të cilët dyshohen se mund të kenë lidhje me ngjarjen, ndërsa policia bën me dije se mjeti që ka qenë i parkuar pranë banesës ka dëme të pjesshme materiale. Fatmirësisht nuk raportohet për persona të lënduar pasi gjatë momentit të shpërthimit nuk ka pasur persona në automjet apo pranë tij.
Grupi hetimor që ka mbërritur në vendin e ngjarjes po punon për zbardhjen e shkaqeve të plota dhe identifikimin e kapjen e autorëve dhe nëse rasti ka të bëjë me detyrën që ka punonjësi i policisë.
Njoftimi i policisë:
Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.
Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve.
