New York Times ka përditësuar ditën e sotme një tabelë ku tregon se si paraqitet procesi i vaksinimit në të gjithë botën. Në tabelën që është bërë publike Shqipëria ka 22% të popullsisë të vaksinuar plotësisht me COVID-19. Vendi ynë rezulton se ka 1 milion e 485 mijë e 48 të vaksinuar deri në datën 1 shtator 2021.
Gjithashtu nga të dhënat që tregohen 29% e popullsisë shqiptare ka kryer të paktën një ose dy doza të vaksinës.
Kryesimin në këtë listë e mbajnë Emiratet e Bashkuara Arabe si vendi i cili ka administruar më shumë doza të vaksinës në popullatë. Nga të dhënat e tabelës 87% e popullsisë së vendit aziatik ka marrë të paktën një dozë.
Malta është në krye të tabelës si vendi që ka më shumë qytetarë të vaksinuar plotësisht, 82% e popullsisë.
Gjithashtu në Europë vendet të cilat kanë përparuar më shumë me vaksinimin janë Islanda Portugalia 84%, Spanja 77%, Islanda 77%, Irlanda 75%, Belgjika 73%, Britania e Madhe 72%. Franca 72%, Norvegjia 72% apo Italia 71%.
Kujtojmë se varianti i ri “Delta” i cili është më infektues ka pushtuar shumicën e vendeve të botës. Ajo që vihet re ditët e fundit është se në shumë vende po rikthehen masat dhe po bëhet i detyrueshëm vaksinimi. Shteti i parë që e bëri të detyrueshme vaksinën ishte Franca, ndërsa italia ditën e sotme vuri në fuqi Green Pass, për të gjitha mjetet e transportit publik.
