Japonia ka bllokuar një pjesë të vaksinave anti-Covid të kompanisë Moderna, pasi në flakon u gjet një substancë e huaj.
Sipas BBC, një farmacist pa disa grimca të zeza në një prej shisheve të vaksinës. Rreth 3790 persona e kishin marrë këtë vaksinë deri në momentin e bllokimit nga autoritetet vendase.
Lajmi vjen një javë pasi Japonia pezulloi përdorimin e rreth 1.6 milionë dozave Moderna për shkak të kontaminimit.
Farmacisti i zbuloi grimcat e zeza gjatë një kontrolli për substanca të huaja në vaksina. Mediat lokale thonë se deri më tani nuk ka të dhëna se vaksinat e kontaminuara janë të dëmshme.
Firma spanjolle që ka mbushur vaksinat thotë se ka nisur një hetim për këtë ngjarje.
Japonia ka njohur një rritje të ndjeshme të infeksioneve me virusin Covid, megjithatë numri i vaksinimeve ka qenë i ulët. Vetëm 40 përqind e popullsisë janë vaksinuar plotësisht me të dy dozat e vaksinës, ndërsa vendi në ndryshim nga shumë shtete të tjera nuk ka njohur valë shpërthimesh vdekjeprurëse.
Në internet po qarkullojnë teori të ndryshme konspirative dhe mite rreth vaksinave. Shumë persona janë të interesuar të mësojmë nëse pretendimet e ndryshme në lidhje me efektet anësore dhe informatat në lidhje me efektin e dëmshëm afatgjatë të vaksinave në shëndetin e qytetarëve të vaksinuar janë të vërteta apo jo.
