Një 30-vjeçar është arrestuar nga policia në Tropojë, pasi kultivonte bimë narkotike sipër bjeshkës së fshatit Vilisht. Në pranga ka rënë Gëzim Prengzaj, ndërsa është proceduar penalisht në gjendje të lirë edhe I. Sh., me detyrë inspektor për Pyjet dhe Mjedisin në bashkinë Tropojë. Ky i fundit akuzohet për veprat pebale “Moskallëzimi i krimit” dhe “Shpërdorimi i detyrës”.
Njoftimi i policisë:
Tropojë
Finalizohet një tjetër operacion policor antikanabis.
Operacioni i koduar “Vilishti”, i zhvilluar nga Komisariati i Policisë Tropojë.
Ndalohet një 31-vjeçar, për veprën penale “Kultivimi i bimëve narkotike”.
Procedohet penalisht inspektori për Pyjet dhe Mjedisin, për shpërdorim detyre dhe moskallëzimi krimi.
Shërbimet e Komisariatit të Policisë Tropojë, në vijim të punës së pandërprerë për parandalimin, evidentimin dhe goditjen e tentativës për kultivimin të kanabisit, pas një hetimi dymujor, finalizuan me sukses operacionin e koduar “Vilishti”, në kuadër të të cilit u bë kapja dhe ndalimi i shtetasit Gëzim Prengzaj, 30 vjeç, banues në fshatin Lekurtaj.
Ky shtetas dyshohet se ka kultivuar bimë narkotike, sipër bjeshkës së fshatit Vilisht.
Në vijim të veprimeve hetimore u procedua në gjendje të lirë për veprat penale “Moskallëzimi i krimit” dhe “Shpërdorimi i detyrës”, shtetasi I. Sh., me detyrë inspektor për Pyjet dhe Mjedisin në bashkinë Tropojë.
Materialet i kaluan Prokurorisë së Rrethit Gjyqësor Tropojë, për veprime të mëtejshme.
