Zjarri në Malin e Thatë vijon të jetë aktiv. Sipas informacioneve të marra gjatë orëve të natës nga burime të ndryshme është bërë me dije se vatra është zgjeruar edhe më tej duke prekur kështu edhe Parkun Kombëtar të Galiçicës.
Prej orëve të para të mëngjesit një grup i ardhur për ndihmë prej 10 personash kanë shkuar drejt vendngjarjes, ndërsa janë nisur edhe punonjës të zjarrfikëses, emergjencave civile, ndërmarrjes së punëve publike, nga zonat e mbrojtura dhe vullnetarë, duke përfshirë këtu edhe banorë të zonës. Sipas të dhënave sipërfaqja e përshkruar nga zjarri është e madhe dhe flakët po i afrohen pyjeve me dushk ndërkohë që i është kërkuar ndihmë edhe komunës së Ohrit por deri tani nuk ka asnjë konfirmim nëse kanë nisur forca njerëzore për të ndihmuar në normalizimin e situatës dhe neutralizimin e flakëve që tashmë duket sikur kanë opushtuar zonën. Kujtojmë se zjarri ka përfshirë këtë zonë prej 4 ditësh me rradhe tashmë, ndërsa në 24 orët e fundit për shkak të erës që ka dominuar, zjarri ka marrë përhapje akoma edhe më të madhe. Zjarrvënia mendohet të jetë e qëllimshme nga barinjtë e zonës së Malit të Thatë për kullota të reja, por situata u ka dalë jashtë kontrollit.
Presioni sistematik i Ramës kundër gjyqësorit: Disa sulme brenda njëzet e katër orëve, fushatë me mediat e kapura dhe gënjeshtrat për botën
Edi Rama ka një problem me gjyqësinë. Jo vetëm me SPAK-un që po heton anëtarë të qeverisë së tij, por...
