Kombet e Bashkuara thonë se 10 milionë fëmijë kanë nevojë të madhe për ndihmë në Afganistan. Përfaqësuesi i UNICEF në Afganistan është shprehur se fatkeqësisht ata që janë më pak përgjegjës për krizën e krijuar në vend do të paguajnë çmime më të larta. “Fatkeqësisht, ata që janë më pak përgjegjës për këtë krizë po paguajnë çmimin më të lartë,” tha Herve Ludovic De Lys, përfaqësuesi i UNICEF -it në Afganistan.
De Lys tha se mirëqenia e fëmijëve në vend është përparësia më e lartë e agjencisë së ndihmës: “Ngjarjet e javës së kaluar përforcuan imperativin e mbrojtjes së fëmijëve më të cenueshëm.”
Kujtojmë se vetëm ditën e djeshme nga sulmet e shteti islamik në Kabul u vranë të paktën 6 fëmijë të cilët ishin të moshës nga 2 deri në 12 vjeç. Edhe në sulme të mëparshme të organizuara në aeroportin e Kabulit ka pasur fëmijë të cilët kanë mbetur viktima të sulmeve kamikaze. Kujtojmë se situata në Afganistan nuk është aspak e mirë që pas avancimit me shpejtësi të talebanëve në kryeqytetin Kabulit. Në aeroportin e Kabulit mijëra njerëz presin me padurim të largohen nga vendi i tyre, ndërkohë që SHBA do të tërhiqet përfundimisht në 31 gusht. Kujtojmë se Mbretëria e Bashkuar i tërhoqi trupat e saj më 28 gusht.
