Bashkimi Europian do të rrisë ndihmën humanitare për Afganistanin në më shumë se 200 milionë euro. Këtë lajm e ka bërë të ditur Presidentja e Komisionit Europian, Ursula von der Leyen në Twitter.
Von der Leyen ka shkruar ndër të tjera në postimin e saj se ky vendim do të bëhet zyrtar ne samitin e sotëm të G7.
“Në Samitin e sotëm të G7, unë do të njoftoj një rritje të ndihmës humanitare për afganët, brenda dhe jashtë vendit, nga buxheti evropian, nga 50 milionë euro në mbi 200 milionë euro. “Kjo ndihmë humanitare po i shtohet kontributeve të Shteteve Anëtare në ndihmë për njerëzit e Afganistanit,” shkroi Presidentja e Komisionit në Twitter.
Kujtojmë se situata në Afganistan nuk paraqitet aspak e mirë, që kur talebanët përparuan me shpejtësi në zonë dhe arritën të merrnin kryeqytetin e vendit Kabulin. Afganistan kanë marrë sërish pushtetin duke kontrolluar me forcë territorin e shtetit teksa mijëra afganë bashkëpunëtorë ndër vite të NATO-s dhe SHBA duhet të evakuohen pasi u rrezikohet jeta e familja. Shqipëria deri më tani pritet të strehojë përkohësisht 3 mijë afganë, por grupi i parë nuk ka mbërritur ende për shkak të trazirave të vazhdueshme në aeroportin e Kabulit. Talebanët gjithashtu ditën e djeshme, kanë paralajmëruar se nuk do të lejojnë persona të dalin nga aeroporti i Kabulit pas datës 31 gusht që e kanë cilësuar edhe si “vijën e kuqe”.
