Personat e infektuar me variantin e ri “Delta”, kanë një ngarkesë virale 300 herë më të lartë se personat e infektuar me variantin origjinal të virusit Covid-19, sipas një studimi të Koresë së Jugut. Por infektiviteti gradualisht u ulet me kalimin e kohës.
Ngarkesa më e lartë do të thotë që virusi përhapet më lehtë nga njëri personi në tjetrin, duke rritur numrin e rasteve dhe shtrimeve në spital. Kështu u shpreh një zyrtar i Ministrisë së Shëndetësisë, Lee Sang-Won, në një konferencë për shtyp para mediave.
Por kjo nuk do të thotë që varianti “Delta” është 300 herë më infektiv, por shkalla e transmetimit të saj është 1.6 herë më e lartë se varianti “Alpha”, si dhe rreth dy herë më shumë se versioni origjinal i virusit.
Varianti “Delta” i koronavirusit u identifikua për herë të parë në Indi dhe varianti “Alpha” në Mbretërinë e Bashkuar (Angli). Për të shmangur përhapjen e variantit “Delta”, tani lloji mbizotërues në të gjithë botën, KDCA u bëri thirrje njerëzve që të testohen kur zhvillojnë simptoma të Covid-19 dhe të shmangin takimet me njerëzit.
Përhapja e shpejtë e variantit të ri “Delta” dhe normat e ulëta të vaksinimit kanë gjetur të papërgatitur pjesën më të madhe të Azisë dhe duket se ky variant do të përhapet n¥ të gjithë botën.
