Varianti i ri i Covid-19, ‘Delta’ po përhapet me ritme të shpejta. Në bazë të informacioneve të marra dhe njoftimeve që janë publikuar çdo ditë nga ekspertë të ndryshëm, ky variant nuk njeh limite.
Shumë persona janë konfirmuar se janë të prekur nga ky variant dhe pasojat janë më të rënda nga variant i mëparshëm. Por për të krijuar një vaksinë imune ndaj ‘Deltës’ ekspertët kanë bërë të mundur realizimin e një vaksine të re e cila mund të ndihmojnë në parandalimin e infeksionit, në trajtimin e simptomave të infeksionit të rëndë të COVID-19 dhe të zvogëlojë shanset për t’u shtruar në spital.
Vaksina Johnson & Johnson është 71% për qind efektive kundër shtrimit në spital dhe 96% efektive kundër rrezikut të vdekjes nga varianti Delta, sipas të dhënave nga provat klinike.
Kjo është prova e parë klinike në botën reale rreth efektivitetit të vaksinës kundër variantit Delta. Rreth 500,000 punonjës të kujdesit shëndetësor në Afrikën e Jugut morën pjesë në studim.
Shtrimet në spital të pacientëve me COVID-19 tejkaluan 6,100 persona këtë javë, duke arritur nivelin më të lartë të pesë muajve. Dy të tretat e pacientëve të shtruar në spital nuk ishin vaksinuar, sipas të dhënave të publikuara në fillim të këtij muaji.
Rezultatet paraprake u raportuan nga Ministria e Shëndetësisë e Afrikës së Jugut në një konferencë shtypi në fillim të këtij muaji por nuk janë botuar ende në një revistë shkencore.
