Tashmë prej disa ditësh vendi ynë është në pritje të ardhjes së refugjatëve afganë, nga ku janë rregulluar dhe vendet ku ata do të mirëpriten për t’u strehuar në një periudhë afatshkurtër.
Detaje të e reja janë bërë me dije për ardhjen e refugjatëve ku mësohet se dy avionët e parë do të nisen në orare të ndryshme nga njëri-tjetri.
Koha e mbërritjes së dy avionëve në Shqipëri me emigrantët afganë, të cilët pritet të vijnë nesër, është parashikuar me nga 1 orë diferencë. Sipas informacioneve të marra behët me dije se avioni i parë nëse do të mbërrijë do të sjellë 160 persona ndërsa avioni i dytë 250.
Disa ditë më parë është raportuar se fluturimet janë planifikuar të bëhen ditën e nesërme. Do të jenë dy avionë të cilët do të nisen në oraret që tashmë janë planifikuar. Nëse në aeroportin e Kabulit nuk do të ketë kaos dhe trazira, dy avionët me afganë që do të vijnë në Shqipëri, do bëjë nisjen normalisht.
Prej pesë ditësh jemi në pritje të ardhjes së afganëve që duan ti shpëtojnë pushtetit të talebanëve. Aeroporti i Rinasit do të jetë ndalesa e parë e emigrantëve afganë, pasi të prekin tokën shqiptare. Atyre do t’u jepet ndihma e parë shëndetësore, asistencë psikologjike/sociale dhe shërbimi bazik për ushqim apo nevoja të tjera të mundshme. Më pas ata do të nisen drejt vendeve ku do të akomodohen.
