Papa Francesku iu ka bërë thirrje ditën e sotme të gjithë besimtarëve që të vaksinohen, pasi sipas tij vaksinimi është “një akt dashurie”. Në video mesazhin që ka shpërndarë në Twitter, papa shkruan se vaksinimi është një akt i thjeshtë për të promovuar të mirën e përbashkët dhe për t’u kujdesur për njërin tjetrin. ”Vaksinimi është një mënyrë e thjeshtë për të promovuar të mirën e përbashkët dhe për t’u kujdesur për njëri -tjetrin, veçanërisht më të prekshmit.”, shkruan krahas videos së shpërndarë Papa.
Vaccinarci è un modo semplice di promuovere il bene comune e di prenderci cura gli uni degli altri, specialmente dei più vulnerabili. https://t.co/xzmHvYyXXw
— Papa Francesco (@Pontifex_it) August 18, 2021
Ai e cilëson vaksinimin kundër koronavirusit si “një gjest i thjeshtë por i thellë për një të ardhme më të mirë”. Ky mesazh i Papës në spanjisht i drejtohet popullit të Amerikës Latine, por jo vetëm. Po ashtu vaksinimi është mbështetur nga të gjithë Peshkopët e jugut dhe veriut të kontinentit të cilët janë shprehur se “është e nevojshme të jeni përgjegjës për të afërmit tuaj”. Po ashtu pjesë e fushatës, janë edhe disa figura lkatolike të rangut të lartë nga e gjithë Amerika. Ndërsa video u publikua si pjesë e fushatës ndërkombëtare “De ti depende” (“Varet nga ty”), në spanjisht, për të promovuar vaksinimet kundër Covid -19.
Më poshtë po ju sjellim disa nga frazat që ka thënë Papa Francesku në video-mesazhin e tij.
“Falë Zotit dhe punës së shumë njerëzve, sot ne kemi vaksina për të na mbrojtur nga Covid-19. Ato na japin shpresë për të dalë nga kjo pandemi, por vetëm nëse ato janë të disponueshme për të gjithë dhe nëse punojmë së bashku. Të vaksinohesh me vaksina të miratuara nga autoritetet përkatëse përbën një akt dashurie. Vaksinimi është një mënyrë e thjeshtë, por me ndikim për të promovuar të mirën e përbashkët dhe për t’u kujdesur për njëri -tjetrin, veçanërisht për më të prekurit.”
