Refugjatët afganë në Shqipëri, Komiteti i Senatit në SHBA: Keni respektin dhe falenderimet tona

Komiteti Amerikan për Marrëdhëniet me Jashtë ka reaguar në lidhje me strehimin e refugjatëve afganë në Shqipëri. Në një postim në Twitter, senatori Bob Menendez  shkruan se e mirëpret vendimin e qeverisë shqiptare për të strehuar përkohësisht ata që po ikin nga sulmet e talebanëve në Afganistan.

Menendez thotë se populli shqiptar po i tregon botës çfarë do të thotë “Besa”,dhe shpreh respektin dhe falenderimet e tij.

Postimi i plotë nga Bob Menendez:

Unë mirëpres vendimin e qeverisë shqiptare për t’u dhënë një strehë të përkohshme të sigurt atyre që ikin nga sulmet e talebanëve në Afganistan. Populli i Shqipërisë po i tregon edhe një herë botës se çfarë do të thotë “BESA”. Ju keni respektin dhe falenderimet tona.

Kryeministri Edi Rama deklaroi ditën e sotme se Shqipëria ka folur në lidhje me strehimin e afganëve që u rrezikoohet jeta në vendin e tyre.

I welcome the Albanian government’s decision to give temporary safe haven to those fleeing the Taliban onslaught in Afghanistan. The people of Albania are once again showing the world what “BESA” means. You have our respect and thanks. https://t.co/HLQ1x4pRxV

— Senate Foreign Relations Committee (@SFRCdems) August 15, 2021

“Eshtë e vërtetë po, se ditët e fundit qeveria amerikane i ka kërkuar Shqipërisë të vlerësojë nëse mund të shërbejë si një vend tranzit, për një numër të caktuar emigrantësh politikë afganë, të cilët destinacion fundor kanë Shtetet e Bashkuara”, shkroi Rama në një postim në Facebook, duke konfirmuar lajmin që ka qarkulluar ditët e fundit.