Një aksident ka ndodhur pasditen e sotme në Vlorë, fatmirësisht pa pasoja fatale. Ngjarja ka ndodhur rreth orës 16:20, në lagjen Isa Boletini, ku një 16-vjeçar ka humbur kontrollin e makinës dhe është përplasur me vitrinën e një dyqani. Si pasojë është dëmtuar një 37-vjeçare, e cila ndodhet në spital dhe është jashtë rrezikut për jetën.
Policia njofton se i mituri e kishte marrë automjetin pa lejen e prindërve. Ai ka marrë ndihmën mjekësore dhe më pas është shoqëruar në ambientet e Komisariatit të Policisë së Vlorës. Grupi hetimor ndodhet në vendngjarje dhe po punon për sqarimin e plotë të rrethanave të aksidenit.
Njoftimi i plotë policisë:
Vlorë/ Informacion paraprak
Më datë 14.08.2021, rreth orës 16:20, në lagjen “Isa Boletini”, Vlorë, një 16-vjeçar, i cili kishte marrë automjetin pa lejen e prindërve, ka humbur kontrollin dhe është përplasur me vitrinën e një dyqani, për pasojë është dëmtuar shtetasja me inicale E. A., 37 vjeçe, e cila ndodhet në spital, jashtë rrezikut për jetën. Drejtuesi i mjetit pas marrjes së ndihmës mjeksore, do të shoqërohet në ambientet e Komisariatit të Policisë Vlorë, për veprime të mëtejshme. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
