Policia ka arrestuar dy persona në Vlorë, pasi kultivonin fidanë kanabis. Droga ëshë zbuluar gjatë kontrolleve me dron, dhe pamjet filmike kanë treguar se ajo kultivohej në një sipërfaqe të pyllëzuar në zonën e “Ujit të Ftohtë”. Në pranga kanë rënë Serdjan Barjamaj, 34 vjeç, dhe Besmir Zotaj, 33 vjeç, të dy banues në Vlorë.
Policia ka gjetur gatë kontrolleve në banesën e shtetasit Serdjan Barjamaj, fidanë të dyshuar cannabis sativa, të kultivuar në kubikë. Materialet u referuan Prokurorisë, për veprime të mëtejshme hetimore.
Njoftimi i plotë i policisë:
Gjatë mbajtjes nën vëzhgim me dron nga shërbimet e Policisë është organizuar puna për kapjen e dy shtetasve, të cilët bazuar dhe në pamjet filmike të dronit, ishin duke kultivuar fidanë të dyshuar kanabis. Menjëherë është ndërhyrë nga forcat e Policisë, duke bërë të mundur kapjen dhe prangosjen e shtetasve S. B., 34 vjeç dhe B. Z., 33 vjeç, të dy banues në Vlorë.
Këta shtetas, në bashkëpunim me njeri-tjetrin, kanë kultivuar fidanë kanabis në një sipërfaqe të pyllëzuar në zonën e “Ujit të Ftohtë”, Vlorë.
Gjithashtu, gjatë kontrollit në banesën e shtetasit S. B., shërbimet e Policisë gjetën të kultivuara në kubikë fidanë të dyshuar cannabis sativa.
Materialet u referuan Prokurorisë, për veprime të mëtejshme.
