Kriza politike që ka pushtuar vendin ka sjellë edhe anomalitë e saj, mirëpo edhe një herë tjetër kryedemokrati Basha, ka sjellë në vëmendje se gjithçka do të marrë fund në momentin që do të vendoset për zgjedhje të parakohshme.
I ftuar në “Zonë e Lirë”, Basha është pyetur edhe për deputetët që kanë zgjedhur mos të dorëzojnë mandatin, parësisht për Rudina Hajdarin, e cila ka vendosur që ta mbajë vendin e saj në parlament, megjithatë Basha për këtë rast ka vendosur të japë një përgjigje diplomatike.
“Nuk kam ndërmend që të merrem me asnjërin prej tyre, por dua të them se motivi i atyre që kanë qëndruar nuk i shërben interesit publik dhe qytetarëve. Ata që dalin kundër këtij vendimi, nuk i shërbejnë demokracisë, se për çfarë motivesh kanë shkuar…Kjo krizë politike do të përfundojë me zgjedhje të parakohshme”, është shprehur Basha.
Kujtojmë se momentalisht nga Partia Demokratike vetëm një deputet ka dalë hapur që nuk e dorëzon mandatin dhe bëhet fjalë për Myslym Murrizin, ndërsa Hajdari ende është në mëdyshje për zgjedhjen e saj.
