Në fshatin Lumas prej disa ditësh tashmë po zhvillohet protestë për mbrojtjen e burimit të Sinecit, i cili është edhe zonë e mbrojtur. Ditën e sotme sërish ka pasur një përplasje midis banorëve të fshatit Lumas dhe atyre të fshatit Vodëz për ujin e pijshëm. Banorët e Lumasit janë kundër ndërtimit të ujësjellësit dhe shfrytëzimit të burimit të Sinecit.
Ndërsa nga ana tjetër banorët e fshatit Vodëz kërkojnë që të ndërtohet ujësjellësi në burimin e Sinecit, që është edhe zonë e mbrojtur. Kjo ka bërë që banorët e dy fshatrave të përplasen fizikisht mes tyre ditën e sotme.
Gjithashtu sjellim në vëmendje se banorët e fshatit Lumas përpara dy ditësh kanë pasur një përplasje me policinë. Ata i kanë dërguar një letër krerëve të shtetit dhe ambasadorëve, ndërsa kanëparaqitur edhe katër kërkesa.
Letra e plotë e banorëve
1-Shkarkimin e Drejtorit të Drejtorisë Vendore të Policisë Berat Edmond Targaj, i cili na ka dhunuar, kërcënuar dhe mohuar të drejtën kushtetuese për tu shprehur, grumbulluar, manifestuar dhe protestuar
2- Pezullimin e punimeve të vjedhjes së 4.2 milion Euro nga shoqëria “Salillari” sh.p.k në bashkpunim me kryetarin e Bashkisë Kucovë Kreshnik Hajdari, të kamufluar pas ndërtimit të një ujësjellësi në burimin e sinëcit, zonë e mbrojtur
3-Pezullimi nga detyra dhe hetimin administrative dhe penal ndaj Drejtorit të Policisë së Shtetit Ardi Veliu, i cili përdor policinë e shtetit si polici private në mbrojtje të shkatërrimit të burimit dhe lumit të Sinecit e në mbrojtje të interesave të subjketeve private
4- Takim me Kryeministrin e Shqipërisë Edi Rama me qëllim zgjidhjen e këtij problemi në mbrojtje të burimit shtratit të lumit Sinecit si pasuri Kombëtare e monument natyre.
Letra e plotë banorëve:
Drejtuar: Kryeministrit të Republikës së Shqipërisë z.Edi Rama
• Ministrit të Brëndshëm, Z.Bledi Çuçi
• Ministrit të Turizmit dhe Mjedisit Z.Blendi klosi
• Amasadës Amerikane në Tiranë,Znj. Yuri Kim
• Bashkimit Europian, përfaqësuar nga Z.Luigi Soreca
• Presidentit të Republikës së Shqipërisë, Z.Ilir Meta
- Avokatit të Popullit Znj.Erinda Ballanca
• Shërbimit Informativ të Shtetit, Z. Elidon Bendo
• Drejtuesit të Prokurorisë së Përgjithshme, Z. Olsian Çela
• Kontrolli i Lartë i Shtetit Z.Arben Shehu
• Agjencia Kombëtare e Zonave të Mbrojtura
• Administrata Rajonale e Zonave të Mbrojtura
Ne banorët e fshatit Lumas, kemi vendosur të futemi në grevë urie duke mos gjetur asnjë zgjidhje për problemin tonë në mbrojtje të burimit të ujit të Sinecit. Përpos faktit që po ndërtohet në burimin e Sinecit, e cila është zonë e mbrojtur, pasuri kombëtare duke e shkatërruar atë por edhe shtrati i Lumit të Sinecit po shkatërrohet nga subjektet private. Gjatë kësaj periudhe nga ana e punonjësve të policisë jo vetëm që nuk jemi lejuar të ushtrojmë të drejtën tonë kushtetuese për të protestuar por edhe jemi dhunuar prej tyre.
Për sa më sipër, kemi vendoaur të futemi në grevë urie pa afat dhe më poshtë ju parashtrojmë kërkesat tona :
1-Shkarkimin e Drejtorit të Drejtorisë Vendore të Policisë Berat Edmond Targaj, i cili na ka dhunuar, kërcënuar dhe mohuar të drejtën kushtetuese për tu shprehur, grumbulluar, manifestuar dhe protestuar
2- Pezullimin e punimeve të vjedhjes së 4.2 milion Euro nga shoqëria “Salillari” sh.p.k në bashkpunim me kryetarin e Bashkisë Kucovë Kreshnik Hajdari, të kamufluar pas ndërtimit të një ujësjellësi në burimin e sinëcit, zonë e mbrojtur
3-Pezullimi nga detyra dhe hetimin administrative dhe penal ndaj Drejtorit të Policisë së Shtetit Ardi Veliu, i cili përdor policinë e shtetit si polici private në mbrojtje të shkatërrimit të burimit dhe lumit të Sinecit e në mbrojtje të interesave të subjketeve private
4- Takim me Kryeministrin e Shqipërisë Edi Rama me qëllim zgjidhjen e këtij problemi në mbrojtje të burimit shtratit të lumit Sinecit si pasuri Kombëtare e monument natyre.
