Vendi ynë prej disa ditësh është nën ”pushtetin e flakëve “ dhe zonat më problematike ndodhen në jug të vendit, kryesisht në Karaburun dhe Gjirokastër. Ministria e Mbrojtjes pak më parë në një deklaratë zyrtare tha se po punohet për të vënë nën kontroll flakët. Ndërkohë që Administra Rajonale e Zonave të Mbrojtura në Vlorë është shprehur se flakët po kërcënojnë Parkun Kombëtar të Llogarasë.
Gjithashtu në njoftimin e saj Administratat e Zonave të Mbrojtura shkruan se flakët në pyllin me pisha janë në një terren të paaksesueshëm nga mjetet zjarrfikëse dhe janë të pamundura për t’u kontrolluar. Ndër të tjera bëhet me dije se një zjarr është shfaqur në pyllin e “Pish Poros”, por fatmirësisht është vendosur nën kontroll me mbështetjen e forcave zjarrfikëse.
Njoftimi i plotë
Zjarri në pjesën perëndimore të gadishullit, vazhdon të kërcënojë rrezikshëm Parkun Kombëtar të “Llogorasë”. Ndërhyrja është përqëndruar për kontrollin e këtij rreziku dhe shmangien e zjarrit në zonën e pyllit halorë! Flakët në pyllin me pisha, në terrene të paaksesueshme nga mjetet zjarrëfikëse janë të pamundur për tu kontrolluar! Ndërkohë që zjarr është shfaqur edhe në pyllin e Pishë Poros në PM Vjosë-Nartë, i vendosur nën kontroll me mbështetjen e forcave zjarrëfikse.
Lutemi të gjithë banorëve dhe përdoruesve të territorit të jenë bashkëpunues në këtë situatë emergjence, ku cdo pakujdesi mund të sjellë pasoja të parikuperueshme për natyrën por edhe për jetët njerëzore!
Zjarri është një forcë e pakontrollueshme, kujdesuni për të mbrojtur veten, të tjerët dhe natyrën! Në cdo rast konstatimi të zjarreve lutemi të njoftoni sa më parë #Shërbimet_Zjarrëfikse #AdZM #Policinë në stacionet më të afërta! #Kujdes
