Kreu i Partisë Demokratike, Lulzim Basha ka reaguar për ndarjen nga jeta të ish-deputetit demokrat, Ahmet Osman Osja. Me anë të një postimi në Twitter, Basha shkruan se Osja e ka përfaqësuar denjësisht Shkodrën, duke u renditur në radhën e parë të atyre që u ngritën për rikthimin e lirisë. Basha thotë se kontributi i tij do të mbetet i pashlyeshëm dhe frymëzues për të gjithë dhe se në këtë ditë të vështirë ai i gjendet pranë familjes e të afërmve, për këtë humbje të madhe e të pazëvendësueshme.
“Me hidhërim të madh mora sot lajmin e ndarjes nga jeta të Profesor Ahmet Osman Osja, deputeti i Partisë Demokratike në legjislaturën 1992-1996, që ka përfaqësuar denjësisht Shkodrën, duke u renditur në radhën e parë të atyre që me lëvizjen demokratike u ngritën për rikthimin e lirisë. Kontributi i tij qytetar, politik dhe intelektual do të mbetet i pashlyeshëm dhe frymëzues për të gjithë ne. Në këtë ditë të vështirë i jam pranë familjes, të afërmve dhe bashkëpuntorëve të tij, për këtë humbje të madhe e të pazëvendësueshme. U prehtë në paqe!”, shkruan Basha.
1/2 Me hidhërim të madh mora sot lajmin e ndarjes nga jeta të Profesor Ahmet Osman Osja, deputeti i @pdshqiperi në legjislaturën 1992-1996, që ka përfaqësuar denjësisht Shkodrën, duke u renditur në radhën e parë të atyre që me lëvizjen demokratike u ngritën për rikthimin e lirisë pic.twitter.com/fnvLSQXjVc
— Lulzim Basha (@lulzimbasha_al) August 2, 2021
Ahmet Osman Osja u nda nga jeta ditën e sotme në moshën 78-vjeçare, ndërsa ka qenë ndër më të votuarit në legjislaturën ’92-96.
