Zv.kryeministri Erion Braçe, me anë të një postimi në rrjetet sociale iu bën apel të gjithë personave që janë mbi moshën 18-vjeç, të bëjnë vaksinën në javën e hapur të vaksinimit.
Ndër të tjera Braçe ka publikuar shifrat e qytetarëve që kanë marrë vaksinën deri më tani në Divjakë dhe iu ka bërë thirrje që të shkojnë dhe të marrin dozën e dytë. Zv.kryeministri është shprehur se mjafton një i ardhur i infektuar dhe në Divjakë ndodh gjëma.
“Mos ki frike! Çohu e shkoj bëj vaksinën! Doza e dytë është jetike, thjesht doza e parë nuk të mbron! Nga 15 mars 2021 deri më 31 korrik 2021, në bashkitë Lushnje e Divjakë janë bërë 58 204 vaksina.
Në Lushnje 36355 vaksinime: Doza të para 17304, doza të dyta 19501. Në Divjakë 21849 vaksinime: Doza të para 15030, doza të dyta 6819. Siç e shihni kemi probleme në Divjakë. Njerëzit duhet të bëjnë dozën e dytë patjetër! Vetem me dozen e pare mbrojtja imunitare nuk eshte e garantuar!
Duhet ta besh dozen e dy patjeter! Nderkohe ti qe nuk e ke bere as dozen e pare akoma, PAVARESISHT MOSHES, Çohu, shko e beje! Mos e neglizho duke menduar se fshat eshte, i izoluar e pa kontakte;
Divjaka e gjithe nuk eshte e izoluar! Ku prodhohet e tregetohet kontaktet jane masive!Mjafton nje i ardhur te jete i infektuar dhe ndodh gjema! A e mbani mend tetor 2020-mars 2021 ne Kemishtaj, Mertish, Mize, Xeng, Divjake, Cerme Sektor, Cerme e Siperme, Grabian me infektime e vdekje? Pa vaksine rrezikojme te njejtin tmerr mes te pa vaksinuarve!”, shkruan Erion Braçe.
