Është shtyrë për në shtator seanca për padinë e shpifjes së ngritur nga kryedemokrati Lulazim Basha ndaj kreut të Bashkisë, Erion Veliaj. Basha është paraqitur këtë të enjte në Gjykatën e Posaçme për Korrupsionin dhe Krimin e Organizuar, ku ka kaluar tashmë juridiksioni i çështjes.
Nga ana tjetër, mësohet se Veliaj nuk është paraqitur në Gjykatë dhe është përfaqësuar nga avokati i tij.
Seanca e sotme ishte dedikuar nga GJKKO si seancë pajtimi mes palëve, por mësohet se ka qenë kreu i PD ai që ka refuzuar diçka të tillë dhe kështu gjyqi do të vazhdojë tashmë në 24 shtator. Edhe vetë Erion Veliaj e ka refuzuar kërkësën për pajtim dhe nëpërmjet avokatit të tij, Petrit Ismaili, ka kërkuar që gjyqi të vazhdojë.
Kreu i Partisë Demokratike, Lulzim Basha ka bërë padi për shpifje ndaj kryebashkiakut të Tiranës në muajin tetor të vitit të kaluar. Arsyeja e padisë është se gjatë takimeve të fushatës, kur Veliaj deklaroi se në kohën e tërmetit kreu demokrat është bërë me katër vila dhe ka bërë gjithashtu një ndërtim pa leje, duke përfituar nga fatkeqësia. Basha i ka cilësuar si të pavërteta akuzat dhe ka thënë në padi se Veliaj i ka përdorur këto shpifje për të përfituar politikisht.
