Gjykata e Elbasanit ka liruar nga qelia djalin e Azem Hajdarit, i cili u kap pak ditë më parë me drogë në makinë. Vendimi për të liruar 23-vjeçarin e ka vendosur gjyqtari Taulant Tafa, duke e lënë në masën e sigurisë “detyrim paraqitje”.
Djali i Azem Hajdarit u kap në makinë, bashkë me Ergis Gjumsi, që drejtonte mjetin, dhe një vajzë, te Rrethrrotullimi i Bradasheshit. Ndërkohë, prokurori Ritvan Sukaj ka kërkuar masën e “arrestit me burg” për Azem Hajdarin.
Sjellim në vëmendje se policia në një njoftim paraprak ka bërë me dije se kishte shoqëruar në Komisariatin e Policisë Elbasan, për veprime të mëtejshme procedurale dy të rinjtë, Azem Hajdarin dhe shokun e tij. Gjithashtu thuhet se të rinjtë ishin duke udhëtuar me një mjet luksoz “Audi” në qytetin e Elbasanit, ku u ndaluan për një kontroll nga policia në aksin rrugor Elbasan-Metalurgji.
Njoftimi nga Policia Elbasan
Specilaistët për Hetimin e Narkotikëve dhe Trafiqeve të Paligjshme në DVP Elbasan, arrestuan në flagrancë shtetasit:
A.H., 23 vjeç, dhe E.Gj., 21 vjeç, banues në Tiranë, pasi në aksin rrugor Elbasan-Metalurgji, gjatë kontrollit të mjetit tip “Audi”, me të cilin po qarkullonin shërbimet e Policisë gjetën një sasi e vogël lënde narkotike e dyshuar e llojit cannabis sativa.
Në cilësin e provës materiale u sekuestrua lënda narkotike, dy aparate celular dhe automjeti.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
