Kryeministri britanik Boris Johnson ka rezultuar negativ për Covid-19 dhe nuk ka shfaqur asnjë simptomë të virusit. Lajmin e bëri të ditur zëdhënësi i tij të hënën, ndërsa kryeministri u detyrua të izolohet pasi pati takoi ministrin e infektuar me Covid.
Johnson është izoluar në rezidencën e tij në periferi deri në datën 26 korrik, pasi nga Programi Kombëtar i Testimit dhe Gjurmimit, u identifikua si një kontakt i ngushtë i ministrit të shëndetësisë Sajid Javid. Javid njoftoi të shtunën se ai ishte testuar pozitiv për virusin. Së bashku me kryeministrin u detyrua të izolohej edhe kancelari Rishi Sunak, që po ashtu pati kontakt me ministrin. Edhe pse fillimisht dy zyrtarët nuk menduan të izoloheshin, partitë opozitare kërkuan që rregullat të zbatoheshin njëlloj për të gjithë.
Boris Johnson i ka marrë të dyja dozat e vaksinës Covid e megjithatë kjo nuk e përjashtonte riskun e infektimit. Ndër të tjera, kryeministri britanik e ka kaluar koronavirusin vitin e kaluar, kur u detyrua të shtrohej edhe në spital për shkak se gjendja e tij paraqitej jo e mirë.
Ndërkohë, Britania e Madhe ka lehtësuar ditën e sotme kufizimet e pandemisë edhe pse rastet e reja me Covid-19 kanë parë një rritje të vazhdueshme për shkak të variantit Delta.
