Kompania Rajonale e Ujësjellësit “Hidrodrini”, e cila furnizonte me ujë banorët e Deçanit, ka njoftuar se ka pranuar zyrtarisht nga IKSHPK rezultatet e analizave kimiko-fizike, bakterologjike dhe të metaleve të rënda lidhur me rastin e helmimit të qytetarëve të Deçanit nga uji.
Komunikatë e kompanisë “Hidrodrini”:
Rasti Deçani Të nderuar qytetarë, KRU ‘Hidrodrini’ ka pranuar zyrtarisht nga IKSHPK, rezultatet e analiza kimiko-fizike, bakterologjike dhe të metaleve të rënda, nga mostrat e mara nga ana e IKSHPK-së, në lokalitetet e dyshuara fillimisht për ujë të helmuar në zonën e Deçanit.
Theksojmë se, rezultatet e analizave në fjalë, janë të mostrave të nxjera nga IKSHPK, po në ditën e krizës, më 11.07.2021, e të cilat po i publikojmë më poshtë. KRU ‘Hidrodrini’, ka kërkuar nga IKSHPK që të dërgojë edhe analiza tjera të bunarëve dhe të rrjetit, si dhe të merret analiza e cila nuk është marrë, ajo në rezervarin e Drenocit që të përsëritet, meqë ajo është marrë në gypin e shpërlarësit, në mëyrë që të sqarohet opinioni!
Krahas kësaj, KRU ‘Hidrodrini’, ka kërkuar nga KRU “Gjakova”, që të zhvillojë analiza shtesë për këtë çështje, meqë kompania në fjalë posedon laboratorin e akredituar e për çfarë po punohet dhe opinioni do të informohet shumë shpejt edhe me rezultatin e tyre. Me respekt, zyra për media e KRU “Hidrodrini”.
