Drejtoria e Shërbimeve të Transportit Rrugor ka shpjeguar së fundmi mënyrën se si drejtuesit e mjeteve mund të kontrollojnë së fundmi në çdo moment nëpërmjet portalit E-Albania, pikët e patentës së tyre. Gjithashtu në njoftim theksohet se sjellja e çdo shoferi në timon të cilat ju pakësohen kur jeni në kundërshti me rregullat e Kodit Rrugor dhe iu rriten në momentin që jeni korrekt.
“Ky shërbim elektronik u vjen në ndihmë drejtuesve të automjeteve për t’u informuar online mbi gjendjen e pikëve të leje drejtimit. Sjellja juaj në timon, në qarkullim reflektohet në pikët tuaja, të cilat ju pakësohen kur procedoheni për kundravajtje ose ju rriten kur jeni korrekt!” njofton DPSHTRR.
Gjithashtu duhet të bëni kujdes pasi me ndryshimet e reja në Kodin Rrugor, heqja e të gjitha pikëve ju çon në Autoshkollë për riedukim si drejtues mjeti! Më poshtë janë disa hapa që duhet t’i ndiqni me patjetër në mënyrë që të kontrolloni pikët tuaja.
Hapat që duhet të ndiqni:
-Identifikohuni si qytetar në portalin e-albania;
-Zgjidhni rubrikën “Transport dhe Automjete”;
-Zgjidhni shërbimin “Pikët e Drejtuesit të Mjetit”;
-Klikoni butonin “Përdor” për të shfaqur informacionin për pikët e drejtuesit të mjetit.
Për çdo pyetje apo paqartësi mbi përdorimin e shërbimit mund të kontaktoni në adresën: [email protected].
