Ministrja e Arsimit Rinisë dhe Sporteve, Evis Kushi gjatë një konference për mediat ditën e sotme ka folur lidhur me vitin e ri shkollor. Kushi ka lajmëruar se viti i ri shkollor 2021-2022 do të fillojë dy javë përpara datës zyrtare, me qëllim plotësimin e mangësive të programit shkollor. “Ne kemi vendosur që për vitin e ardhshëm 2021-2022, dy javë përpara datës zyrtare të fillimit të vitit shkollor, ne do të kemi mësimin plotësues në të gjitha shkollat tona. ”tha ministrja .
Kushi ndër të tjera ka thënë se ky plan do të zbatohet në varësi të nevojave që ka çdo shkollë, në mënyrë që të rikuperohen të gjitha mangësitë nga mësimi online.
“Jemi të vetëdijshëm që ka pasur edhe mangësira në njohuri apo kompetenca të nxënësve. Për këtë arsye, në muajt e fundit kemi punuar intensivisht edhe me ekspertët e MASR dhe ASCAP për të hartuar një strategji se si t’i plotësojmë këto mangësi. Ne kemi vendosur që për vitin e ardhshëm 2021-2022, dy javë përpara datës zyrtare të fillimit të vitit shkollor, ne do të kemi mësimin plotësues në të gjitha shkollat tona. Ky do të jetë një plan fleksibël në varësi të nevojave specifike që ka çdo shkollë apo zyrë arsimore”, u shpreh ministrja e Arsimit Evis Kushi.
