Sekretari i Departamentit Amerikan të Shtetit, Antony Blinken, ka kujtuar masakrën e Srebrenicës. Ai ka ndarë në rrjetet e tij sociale një mesazh për të gjithë qytetarët e Bosnjë-Hercegovinës, në kujtim të 8 mijë të vrarëve.
“Ngjarjet tragjike të së kaluarës na kujtojnë nevojën për të punuar në unitet për një të ardhme më të mirë, një që është përfshirëse për të gjithë qytetarët”, shkroi mes të tjerash Blinken.
Postimi i plotë:
“Sot bëhen 26 vjet nga gjenocidi në Srebrenica. Populli Amerikan bashkohet me popullin e Bosnjës dhe Hercegovinës në përkujtimin solemn të mbi 8,000 viktimave që u vranë. Ne qëndrojmë me familjet e atyre që kanë humbur të dashurit e tyre dhe me ata që pa u lodhur kërkojnë drejtësi në emrat e tyre.
Ngjarjet tragjike të së kaluarës na kujtojnë nevojën për të punuar në unitet për një të ardhme më të mirë, një që është përfshirëse për të gjithë qytetarët në një Bosnje dhe Hercegovinë që është e qëndrueshme dhe e prosperuar. Shtetet e Bashkuara vlerësojnë thellësisht miqësinë e tyre të gjatë me Bosnjën dhe Hercegovinën dhe mbeten një partner i palëkundur i përkushtuar në qëllimin tonë të përbashkët për një Bosnje dhe Hercegovinë demokratike dhe gjithëpërfshirëse në rrugën e integrimit të plotë Euro-Atlantik.
Ndërsa reflektojmë për këtë përvjetor, ne riafirmojmë angazhimin tonë për të punuar për të parandaluar mizoritë në të ardhmen,”-shkroi Blinken.
