Detaje të reja kanë dalë në dritë nga vrasja macabre e 20-vjeçares Caroline Crouch nga bashkëshorti i saj Babis Anagnostopoulos në Glyka Nera të Greqisë.
Hetimet kanë marrë një kthesë tjetër pasi policia ka zbuluar se në marrëdhënien e tyre ishte një person i tretë.
Gazetari grek Vassilis Lambropoulos ka thënë se Babis kishte kontakte me një grua dhe kjo mund të ketë qenë arsyeja pse Caroline donte të largohej nga shtëpia.
Gruaja në fjalë është 40 vjeçe dhe thuhet se policia nuk ka gjetur biseda mes saj dhe Babis nga kontrolli i celularit. Megjithatë është përjashtuar fakti se ajo mund të ketë lidhje me vrasjen.
Gjithsesi mund të jetë bërë tradhëtia shkaku për vrasjen. Nëse teza se një person i tretë kishte hyrë mes çiftit qëndron, atëherë vrasja mund të jetë e planifikuar prej kohësh dhe nuk ka ndodhur thjesht në një moment tensioni siç ka deklaruar piloti 33-vjeçar.
Babis Anagnostopoulos e pranoui krimin e rëndë 37 ditë pasi kishte ndodhur, pasi kishte sajuar historinë e grabitësve që hynë në shtëpinë e tyre dhe vranë Caroline. Ai tha se e vrau Caroline pas një zënke duke akuzuar se ajo nuk ishte treguar e kujdesshme me foshnjën e tyre dhe gjithashtu kishte kërkuar divorcin dhe donte të largohej nga shtëpia.
