Dogana e Qafë-Botës, në kufirin greko-shqiptarë në Thesprotia duke nisur nga dita e nesërme do të jetë e hapur për të gjithë qytetarët 24 orë. Lajmin e ka bërë të ditur deputeti i Igumenicës, Vasili Giogiaka ditën e sotme.
Sjellim në vëmendje se pas takimit me Ministrin e Shtetit, George Gerapetritis, më 30 qershor Giogiakas vuri në dukje se nuk do të ketë më kufizime sasiore për hyrjen përmes doganave (aktualisht kufiri është 250 persona në ditë), gjë e cila pritet të lehtësojë trafikun turistik dhe tregtar.
Inspektimet shëndetësore do të vazhdojnë të kryhen si nga një njësi EODY ashtu edhe nga njësi private, të tilla si ato që veprojnë tashmë në portin e Igumenicës. Zyra doganore Mavromati, e cila qëndroi e mbyllur për më shumë se një vit gjatë një serie bllokimesh, u rihap me kapacitet të reduktuar personash në fillim të qershorit. Ai shërben më shumë se 600,000 kalime në vit. Gjithashtu personat që do të duhet të udhëtojnë drejt Greqisë duhet të kenë me vete formën PLF dhe do të njihet testi rapid, pra nuk do të jetë e domosdoshme kryerja e testit PCR. Kontrollet në pikat kufitare do të vazhdojnë normalisht prej autoriteteve përkatëse, po ashtu edhe testet e rastësishme anti-COVID.
