Shqipëria është zgjedhur së fundmi anëtare e Këshillit të Sigurimit të Kombeve të Bashkuara. Gjatë pritjes zyrtare të organizuar ditëm e sotme në Tiranë, ku të pranishëm në ceremoni kanë qenë edhe zyrtarë dhe diplomat të huaj, Rama e quajti arritje për diplomacinë anëtarësimin e Shqipërisë në Këshillin e Sigurimit.
Ndër të tjera kryeministri ka folur edhe për agjendën e Shqipërisë, ku në fokus do të jetë barazia gjinore.
“Në Këshillin e Sigurimit nuk shkojmë për t’u ulur në një karrige, por me një agjendë prioritetesh. Shqipëria do fokusohet në çështjet e barazisë gjinore si një vend që ka të drejtën jo vetëm ta thotë fjalën, por sepse është një vend i renditur në 10 vendet e para në botë në klasifikimin e OKB përsa i përket barazisë gjinore në qeveri. Por jo vetëm në qeveri.”, tha Rama.
Ndër të tjera Rama tha se në fokus do të jenë edhe të drejtat e njeriut, për të cilat, sipas tij se Shqipëria është një shembull.
“Mbrojtja e të drejtave të njeriut promovon bashkëpunim dhe paqe mes vendeve”, tha Rama.
Pika tjetër ku do të fokusohet vendi jonë do të jetë edhe toleranca fetare, për të cilën vendin ynë merret gjithashtu si shembull.
“Shqipëria ka të drejtën të dëgjohet kur vjen puna për tolerancën e plotë fetare dhe harmoninë mes besimeve të ndryshme, çka për ne është themel promovimit të paqes dhe mbështetjes tonë në luftën kundër terrorizmit. Jemi në pozicionin e duhur për të mbrojtur me forcë idenë se çdo formë e re e relativizimit të antisemitizmit apo çdo formë tjetër e diskriminimit të myslimanëve janë krejt të papranueshme dhe e kërcënojnë stabilitetin e demokracive tona”, tha Rama.
KAS rrëzon ankimimin e PD për zgjedhjet në Korçë, Lezhë dhe Gjirokastër
Komisioni i Ankimimeve dhe Sanksioneve ka hedhur poshtë, me shumicë votash, kërkesat ankimore të paraqitura nga Koalicioni PD-ASHM lidhur me...
