Papa Françesku i është nënshtruar pasditen e sotme një operacioni në zorrën e trashë i cili ka përfunduar me sukses. Sipas raportimit të mediave italiane, mjeku që ka operuar Atin e Shenjtë ka thënë se ndërhyrja ka shkuar mirë. Mjeku ka njoftuar se Papa do të qëndrojë i shtruar në spitalin Gemelli të Romës për 5 ditë.
Kujtojmë se pak më parë me anët të një deklarate zyrtare nga selia e Shenjtë, u lajmërua se ndërhyrja e Papës ka të bëjë me një “stenozë divertikulare simptomatike” të zorrës së trashë.
Shtrimi në spital
Mediat italiane shkruajnë se Papa Françesku mbërriti në Spitalin Gemelli rreth orës 15:00 pasdite, i shoqëruar nga shoferi dhe një bashkëpunëtor i ngushtë i tij. Kjo ndërhyrje sipas mediave është kryer në fshehtësi të plotë, e dijeni për këtë kanë pasur vetëm mjekët dhe vetë Papa.
Gjatë qëndrimit në spitalin “Gemelli”, Papa Francesco do të qëndrojë në kalin e dhjetë, në të njëjtat ambiente që janë strehuar dhe paraardhësit e tij në detyrë. Mësohet se, Papa ka marrë vetëm shoferin e tij dhe një bashkëpunëtor të ngushtë, duke mos tërhequr fare vëmendje. Madje për mbërritjen e tij në spital nuk kishte dijeni as një pjesë e madhe e stafit.
