Sinoptikania Lajda Porja, përmes një lidhje direkte në “News 24”, ka treguar parashikimet e motit për sot, por edhe ditët në vazhdim. Vala e të nxehtit afrikan sipas saj, do të jetë dita e sotme, pasi do të ketë një ulje relativisht të lehtë të temperaturave të paktën deri më 6 korrik.
Sipas sinoptikantes Porja, temperaturat më të larta këtë të mërkurë do të regjistrohen në Qarkun e Beratit, ku termometri do të shënojë mbi 40 gradë.
“Në fakt siç e theksuam qershori do të mbyllet me temperatura të larta, do të kemi temperatura deri në 40 gradë. Qarku i Beratit do e kalojë këtë vlerë. Do të jenë temperaturat më të larta, sepse korriku do të na leje të marrim frymë. Kjo temperaturë do të tërhiqet gradualisht.
Në Maqedoninë e Veriut dhe Greqi pritet temperatura mbi 42 gradë. Ndërsa në Shqipëri do të jetë dita e fundit me këto temperatura. Do të ketë rënie me 2 3 gradë në mëngjes, dhe 1-2 gradë në darkë. Termometri do të zbresë deri në 32-33 gradë deri më datë 6 korrik. Muaji korrik parashikohet me temperatura 33-35 gradë, do të kemi shkëputje që do të kemi temperatura mbi 38 gradë.
E gjithë vija bregdetare do të jetë e favorshme sepse temperaturat nuk do të jenë mbi 42 gradë siç janë regjistruar në fund të qershorit”, tha Lajda Porja.
