Ministri i Shëndetësisë në Britaninë e Madhe, Matt Hancock ka dhënë dorëheqjen pasi foto të tij duke radhëtuar bashkëshorten me asistenten, u publikuan nga The Sun. fotot hapën debat ndër të tjera edhe për arsyen se Hancock nuk respektonte distancën sociale duke puthur kolegen Gina Coladangelo, foto të cilat thuhet se janë marrë në 6 maj.
Në një letër drejtuar Kryeministrit ai tha se qeveria u detyrohet njerëzve që kanë sakrifikuar kaq shumë në këtë pandemi për të qenë të sinqertë kur i kemi zhgënjyer.
Boris Johnson tha se ai atij i vinte keq për dorëheqjen e ministrit.
Hancock kishte qenë nën presion në rritje për të dhënë dorëheqjen, pasi The Sun publikoi fotografitë e tij dhe Coladangelo-s, të cilët të dy janë të martuar me tre fëmijë, duke u puthur. Gazeta tha se ato ishin dërguar nga brenda Departamentit të Shëndetësisë.
Mësohet se ka qenë vendimi i Hancock për t’u dorëhequr dhe nuk ka qenë kryeministri Johnson ai që ka kërkuar shkarkimin e tij.
Coladangelo do të largohet gjithashtu nga roli i saj si drejtore jo-ekzekutive e Departamentit të Shëndetësisë.
Në një video të postuar në Twitter, Hancock tha: “Unë kam takuar Kryeministrin për të dhënë dorëheqjen si sekretar i shtetit për shëndetin dhe kujdesin social. Unë i kuptoj sakrificat e mëdha që të gjithë në këtë vend kanë bërë, që ju keni bërë, dhe ata prej nesh që i bëjnë këto rregulla duhet të përmbahen prej tyre dhe kjo është arsyeja pse unë kam për të dhënë dorëheqjen”.
Hancock nuk e përmendi tradhëtinë ndaj të shoqes, ndërsa në mediat britanike reagimet kundër tij kanë qenë të shumta, pasi e punësoi Coladangelo-n si asistente duke e paguar me paratë e taksapaguesve britanikë.
