Zëvendëspresidentja Kamala Harris ka nxitur Amerikanët që nuk janë vaksinuar ende kundër COVID-19 të shkojnë dhe të marrin dozat e tyre ndërsa qeveria e Shteteve të Bashkuara përpiqet të kapërcejë pabarazitë në shpërndarjen e vaksinave midis afro-.amerikanëve dhe hispanikëve të vendit.
“Ka disa njerëz që po thonë se nuk do të vaksinohen në asnjë rrethanë. Shumë mund të thonë se nuk janë vaksinuar sepse nuk janë të sigurt. Por ne mund ta bëjmë këtë. Ne mund të themi se vaksinat janë të sigurta, ato janë falas dhe janë efektive”, tha Harris në vërejtjet në Universitetin Clark Atlanta, një kolegj historikisht i njerëzve me ngjyrë.
Presidenti Joe Biden ka vendosur një synim për të injektuar të paktën një dozë të vaksinës së koronavirusit në 70 përqind të të rriturve Amerikanë deri më 4 korrik. Por SH.B.A. është duke e arritur këte qëllimi pjesërisht për shkak të hezitimit për të marrë vaksinën midis komuniteteve të njerëzve me ngjyrë dhe pakicave .
Vetëm 16 ditë nga afati i Biden, 62.1 përqind e popullsisë amerikane me të drejtë vaksine, rreth 176 milion njerëz, kanë marrë të paktën një dozë, sipas të dhënave më të fundit të Qendrave për Kontrollin dhe Parandalimin e Sëmundjeve (CDC). Rreth 148 milion njerëz, ose 52 përqind e popullsisë së rritur, kanë marrë dy doza dhe konsiderohen plotësisht të vaksinuara.
